2016 | கற்போம்

இல்லத்தில் இருந்தபடியே இன்டெர்நெட்டில் பணம் சம்பாதிப்பது எப்படி - 7

கடந்த சில கட்டுரைகளில் YouTube மூலம் எப்படி பணம் சம்பாதிப்பது என்று பார்த்தோம். அதை முயற்சி செய்து சில நண்பர்கள் வெற்றி பெற்றுள்ளதை பகிர்ந்தனர். அவர்களுக்கு என் வாழ்த்துகள் :). இந்த கட்டுரையில் பேஸ்புக் மூலம் பணம் சம்பாதிப்பது எப்படி என்று பார்ப்போம்.
இன்றைக்கு பேஸ்புக் அக்கவுண்ட் இல்லாதவர்களை கிட்டத்த்ட்ட விரல் விட்டு எண்ணி விடலாம். அந்த அளவிற்கு பேஸ்புக் அனைவரையும் ஆக்கிரமித்துள்ளது. பேஸ்புக்கில் ஒரு நாளில் சராசரியாக ஒருவர் 1 மணி நேரம் பேஸ்புக்கில் இருக்கிறார். அந்த ஒரு மணி நேரத்தை நான் சொல்லும் படி செலவிட்டால் யாராய் இருந்தாலும் ஓரளவிற்கு சம்பாதிக்க முடியும். எப்படி என்று பார்க்கலாம்.




பேஸ்புக் பேஜ்:

இந்த முறையில் பேஸ்புக் பேஜ்கள் மிக முக்கியமான வேலையை செய்கின்றன. இன்றைக்கு பேஸ்புக்கில் நாம் பல பேஜ்களை லைக் செய்து தொடர்ந்து வருகிறோம். நடிகர்கள், விளையாட்டு வீரர்கள், இணையதளங்கள், நிறுவனங்கள் என்று பல. இது மட்டுமின்றி தனிநபர்கள் தொடங்கும் பேஸ்புக் பேஜ்களும் நம் மத்தியில் பிரபலம். Troll Pages, Meme Pages என பல இதில் அடக்கம். இவற்றில் தனி நபராக இரண்டாவதை நீங்கள் செய்ய முடியும்.

பேஜில் என்ன செய்ய வேண்டும்?

பேஸ்புக் மூலம் சம்பாதிக்க நீங்கள் முதலில் செய்ய வேண்டியது ஒரு பேஸ்புக் பேஜ் உருவாக்க வேண்டும் [எப்படி பேஸ்புக் உருவாக்குவது என்பதை www.karpom.com இல் படிக்கலாம் ]. மேலே சொன்னது போல Troll, Meme போன்றவற்றை அதில் பகிரலாம். YouTube போலவே இதிலும் Copyright என்பது உள்ளது. எனவே வீடியோ, போட்டோக்களை பகிரும் போது கவனம் அவசியம். அடுத்தவர்களுக்கு சொந்தமானதை பகிர்ந்தால் உங்களுக்கு பிரச்சினை வரலாம்.

அப்படி பார்த்தால் பெரும்பாலானவை அடுத்தவர்களுக்கு சொந்தமானது தானே என்ற கேள்வி எழலாம். Troll, Meme போன்றவற்றில் நீங்கள் சினிமா அல்லது வேறு நபர்களுக்கு சொந்தமானதை பகிர்ந்தாலும் அதில் உங்கள் க்ரியேட்டிவிட்டி இருக்கும் பட்சத்தில் அதை Fair Use என்று கூறலாம். பெரும்பாலான நிறுவனங்கள் மற்றும் நபர்கள் இதை அனுமதிக்கிறார்கள். அடுத்தவர்களுக்கு சொந்தமானதை அப்படியே உங்கள் பேஜில் பகிரும் போது குறிப்பிட்ட நபர் அல்லது நிறுவனத்திடம் அனுமதி பெற்றும் பகிரலாம்.

இது எல்லாமே பேஜில் நீங்கள் லைக்ஸை அதிகமாக்க மட்டுமே. இதன் மூலம் நிறைய லைக்ஸ் பெற முடியும். நிறைய லைக்ஸ் என்றால் நிறைய ஆடியன்ஸ்.

எப்படி பணம் சம்பாதிப்பது?

இந்த தொடரின் முதல் கட்டுரையில் எப்படி ஒரு இணையதளம்/ப்ளாக் தொடங்குவது என்று சொல்லி இருந்தேன். அது மாதிரியான தளங்களை கொண்டிருப்பவர்கள் தங்கள் தளத்திற்கு வாசகர்களை வர வைக்க பல ப்ரமோஷன்களை செய்கிறார்கள். அதில் சில தளங்கள் பேஸ்புக் பேஜ்கள் மூலம் தங்கள் தளத்திற்கு வாசகர்களை வரவழைத்தால் குறிப்பிட்ட பேஜ் அட்மின்களுக்கு பணம் கொடுப்பார்கள். எவ்வளவு வாசகர்கள் வருகிறார்களோ அதற்கேற்றார் போல பணம் கிடைக்கும். நீங்களும் உங்கள் பேஸ்புக் பேஜில் அந்த தளங்களின் பதிவுகளை பகிர்வதன் மூலம் பணம் சம்பாதிக்கலாம். இந்த தளங்கள் அனைத்துமே ஆங்கிலத்தில் தான் இருக்கும். தமிழில் இதுவரை எதுவும் அப்படி கிடையாது.

Viral9

இது இந்தியாவை சேர்ந்த தளம். இதில் அக்கவுண்ட் உருவாக்க உங்கள் பேஜ் 50000 லைக்குகளை கொண்டிருக்க வேண்டும். தினமும் எந்த போஸ்ட் அதிகமாக பார்க்கப்படுகிறது உட்பட பல ஐடியாக்களை கொடுக்கிறார்கள். எவ்வளவு பணம் சம்பாதிக்கிறோம் என்பதை உடனடியாக பார்க்கும் வசதி இதன் சிறப்பு. இந்திய தளம் என்பதால் கொஞ்சம் பாலிவுட், இந்தியா பற்றிய பதிவுகளை இதில் பார்க்க முடியும்.
100$ சம்பாதித்த உடன் உங்கள் வங்கி கணக்கிற்கு பணத்தை அனுப்பி விடுவார்கள். மாத முறையில், நமக்கு தேவைப்படும் நேரத்தில் பணம் பெற்றுக் கொள்ளலாம்.

தள முகவரி - www.viral9.com

MyLikes

வைரல்9 போலவே தான் இதுவும். ஆனால் இவ்வளவு லைக்ஸ் தேவை என்ற கட்டுப்பாடு இதில் இல்லை. எத்தனை லைக்ஸ் இருந்தாலும் எளிதில் அக்கவுண்ட் உருவாக்கி கொள்ளலாம். ஒவ்வொரு வாரமும் வெள்ளி அன்று அல்லது மாதாமாதம் பணம் உங்களுக்கு அனுப்பப்பட்டு விடும்.
இதில் 3 வழிகளில் பணம் பெற்றுக் கொள்ளலாம். Paypal மூலம் பெற 20$ உங்கள் கணக்கில் இருந்தால் போதும். இந்த முறையை ஒவ்வொரு வாரமும் பணம் பெற்றுக் கொள்ளலாம். வங்கி கணக்கில் பெற அக்கவுண்டில் 50$ இருக்க வேண்டும். இதில் மாதாமாதம் பணம் கிடைக்கும். Amazon Gift Card என்பது மூன்றாவது வழி. இதன் மூலம் கிடைக்கும் பணத்தில் Amazon தளத்தில் பொருட்களை வாங்கலாம்.

Fan2Cash

இந்த தளமும் மேலே உள்ளவற்றை போலவே தான். இதில் குறைந்தபட்சம் 200$ சம்பாதித்து இருந்தால் மட்டுமே வங்கி கணக்கில் பணம் பெற முடியும். இதில் அக்கவுண்டை உருவாக்க குறைந்தபட்ச லைக்ஸ் எதுவும் இருக்க தேவையில்லை.

இல்லத்தில் இருந்தபடியே இன்டெர்நெட்டில் பணம் சம்பாதிப்பது எப்படி - 6

கடந்த மாத கட்டுரையில் YouTube இல் ஆடியன்ஸை தக்கவைத்துக்கொள்வது எப்படி என்பதை பார்த்தோம். இந்த மாதம் பார்க்கவிருப்பது YouTube Analytics பகுதி. இதில் தான் உங்கள் வீடியோவின் பர்பாமென்ஸ் குறித்து நீங்கள் தெரிந்து கொள்ள முடியும். உதாரணமாக எவ்வளவு பேர் உங்கள் வீடியோவை பார்க்கிறார்கள், எங்கிருந்து எதில் பார்க்கிறார்கள், என்ன வயது, எவ்வளவு நேரம் பார்க்கிறார்கள் போன்ற பலவற்றை அறிந்து கொள்ள முடியும். இதில் உங்கள் வீடியோவின் பர்பாமென்ஸை அவ்வப்போது செக் செய்து ஏதேனும் குறை இருப்பின் அவற்றை சரி செய்வதன் மூலம் நீங்கள் YouTube Videos மூலம் அதிகம் பணம் சம்பாதிக்க முடியும். ̀



Overview

Analytics இல் இருக்கும் Overview பக்கத்தில் Watch Time, Average View Duration, Views, Estimated Revenue, Top 10 Videos, Top Geographies, Gender, Traffic Source, Playback location போன்றவற்றை பார்க்கலாம். ஒவ்வொன்றையும் பற்றி அதிகம் தெரிந்து கொள்ள அவற்றின் மீது க்ளிக் செய்யலாம் அல்லது இடது பக்கம் உள்ள மெனுவிலும் க்ளிக் செய்து தெரிந்து கொள்ளலாம்.



Analytics பகுதியில் வலது பக்கம் Last 28/30 days என்று ஒன்று இருக்கும். இது எந்த காலத்திற்கு நீங்கள் ரிப்போர்ட்களை பார்க்கிறீர்கள் என்பதை காட்டும். இதில் உங்களுக்கு தேவையான காலத்தை தேர்வு செய்து கொள்ளலாம். This Week/Month/Quarter/Year, Last Week/Month/Quarter/Year, Last 7/28/30/90/365 days, First 7/28/90/365 days போன்ற வசதிகள் இருக்கும். கடைசியாக உள்ள Custom Range என்பதில் நீங்கள் உங்களுக்கு தேவையான காலத்தை எடுத்து செக் செய்யலாம்.

[இந்த கட்டுரை முழுக்க Last Month என்பதை அடிப்படையாக கொண்டு விளக்கப்பட்டுள்ளது. ]

Real Time

இதில் உங்கள் வீடியோ, சேனல் கடந்த 1 மணி நேரம் & 48 மணி நேரத்தில் எவ்வளவு முறை பார்க்கப்பட்டுள்ளது என்பதை பார்க்கலாம். Analyticsஇல் இருக்கும் மற்ற வசதிகள் எல்லாமே 48 மணி நேரத்திற்கு பின்பு தான் அப்டேட் ஆகும்.

அதே நேரம் இதில் ஒரு சில வீடியோக்களுக்கு காட்டப்படும் Views ஆனது Video Manager அல்லது Video Play செய்யும் போது காட்டுவதை விட அதிகமாக இருக்கும். முன் கூறிய இரண்டிலுமே சிறிது நேரத்திற்கு பின்புதான் Views அப்டேட் ஆகும். [இதனால் தான் பிரபல நடிகர்களின் ட்ரைலர்கள், பாடல்கள் வெளியாகும் போது வீடியோ பார்த்தவர்கள் எண்ணிக்கையை விட ஆரம்பத்தில் லைக்ஸ் அதிகமாக இருக்கும்]

Revenue Reports

இதில் இரண்டு விஷயங்கள் இருக்கும். முதலாவதாக இருக்கும் Revenue பகுதியில் உங்கள் வீடீயோக்கள் கடந்த மாதத்தில் எவ்வளவு Revenueவை உங்களுக்கு கொடுத்துள்ளது என்பதை Estimated ஆக காட்டும். அதேபோல எந்த நாட்டில் இருந்து எவ்வளவு Revenue வந்துள்ளது மற்றும் எந்த தேதியில் எவ்வளவு Revenue வந்துள்ளது என்பதையும் இதில் பார்க்கலாம்.

இதே போல ஒரு குறிப்பிட்ட வீடியோவிற்கு எவ்வளவு Revenue என்பதை பார்க்க Search for content என்பதில் வீடியோவை தேடலாம் அல்லது Revenue பகுதியிலேயே கீழே இருக்கும் ஏதாவது ஒரு வீடியோவை க்ளிக் செய்து பார்த்துக்கொள்ளலாம்.

இதில் இரண்டாவதாக இருக்கும் Ad Rates பகுதியில் உங்கள் வீடியோக்களின் மொத்த Revenue எவ்வளவு என்று பார்க்கலாம். இதில் காட்டப்படுவது YouTubeஇன் பங்கையும் சேர்த்து. இதிலிருந்து 55% உங்களுக்கும், 45% YouTubeக்கும்  கிடைக்கும். உங்களுக்கு வரும் Revenue உங்களின் 55% இல் இருந்து சற்றே குறைவாக கூட இருக்கலாம்.

இதில் கீழே Ad Type பகுதியில் என்ன விதமான விளம்பரம் உங்களுக்கு எவ்வளவு Revenue கொடுத்துள்ளது என்ற தகவலையும் பார்க்கலாம்.

Watch Time Reports



Watch Time

இந்த பகுதியில் சேனல் மற்றும் குறிப்பிட்ட வீடியோவிற்கு எவ்வளவு Views & Watch Time (in minutes) என்பதை பார்க்கலாம். இதில் Watch Time என்பது எப்போதும் அதிக சதவிகிதத்தில் இருக்க வேண்டும். உதாரணமாக 1000 Views உள்ள வீடியோ 10000 நிமிடங்கள் பார்க்கப்பட்டு அதன் சதவிகிதம் 20 என்று இருந்தால், உங்கள் வீடியோவில் 20% மட்டுமே சராசரியாக பார்க்கப்படுகிறது என அர்த்தம். இப்படி இருப்பின் வீடியோவில் என்ன பிரச்சினை, நீளம் அதிகமாக இருக்கிறதா என்பதை கவனித்து சரி செய்ய வேண்டும். ஒவ்வொரு வீடியோவிலும் கடைசியாக இருக்கும் Average View Duration என்பது Watch Minute சதவிகிதத்திற்கு நிகராக இருக்கும்.

Audience Retention

இதில் ஒட்டுமொத்தமாக உங்கள் சேனல் அல்லது குறிப்பிட்ட வீடியோ சராசரியாக எவ்வளவு நேரம் பார்க்கப்படுகிறது என்பதை பார்க்கலாம். இதில் இருக்கும் ஒரு குறிப்பிட்டதகுந்த வசதி ஒரு வீடியோவை மட்டும் தேர்வு செய்து பார்க்கும் போது அது எந்த நொடியில் எத்தனை சதவிகித வாசகர்கள் பார்க்கிறார்கள் என்பதை காட்டும். 1 நிமிடத்திற்குள்ளேயே 50%க்கும் குறைவாக இது இருப்பின் குறிப்பிட்ட வீடியோவில் என்ன பிரச்சினை என்பதை கவனிக்க வேண்டும்.

Demographics

இந்த பகுதியில் எந்த நாட்டில் இருந்து எந்த வயதினர் உங்கள் வீடியோக்களை பார்க்கிறார்கள் என்பதை பார்க்கலாம். அத்தோடு பார்ப்பவர்களில் எத்தனை சதவிகிதம் ஆண் & பெண் என்பதையும் அறியலாம்.

Playback Locations

இதில் எங்கிருந்து ஒரு வீடியோவை பார்க்கிறார்கள் என்பதை பார்க்கலாம். சிலர் உங்கள் வீடியோவை YouTubeஇல் பார்க்ககூடும், சிலர் உங்கள் வீடியோ YouTube அல்லாத வேறு ஏதேனும் தளத்தில் அல்லது செயலியில் பார்க்கலாம். அப்படி வேறு தளம் என்றால் அது எது என்பதையும் பார்க்கலாம்.

Traffic Sources

இதன் மூலம் எப்படி உங்கள் வீடியோவை பார்க்க வருகிறார்கள் என்பதை அறியலாம்.

Devices

எதில் உங்கள் வீடியோவை பார்க்கிறார்கள் என்பதை இதன் மூலம் அறிந்து கொள்ளலாம். Mobile Phone/Tablet/Computer போன்றவற்றில் எது, அப்படியே என்ன ஆபரேட்டிங் சிஸ்டம்  என்பது உட்பட இதில் பார்க்கலாம்.

Engagement Reports:

Subscribers

இந்த பகுதியில் உங்கள் சேனலுக்கு எவ்வளவு Subscribers, எங்கிருந்து சப்ஸ்க்ரைப் செய்துள்ளார்கள் போன்ற தகவல்களை இங்கே பார்க்கலாம்.

Likes and Dislikes

வீடியோவிற்கு வரும் likes & dislikes பற்றி விவரங்களை இங்கே பார்க்கலாம்.

Videos in Playlists

உங்கள் வீடியோக்களை பார்ப்பவர்கள் தங்களுக்கு பிடித்துள்ளது என்றால் Playlistஇல் சேர்ப்பார்கள். அப்படி சேர்க்கப்பட்ட வீடியோக்கள் குறித்த தகவல்களை இதில் காணலாம்.

Comments

ஒவ்வொரு வீடியோவிற்கும் வந்துள்ள கமெண்ட்களின் எண்ணிக்கை, எந்த நாட்டில் இருந்து வந்துள்ளது, எந்த தேதி போன்ற தகவல்களை இதில் காணலாம்.

Sharing

உங்கள் வீடியோக்கள் எத்தனை முறை ஷேர் செய்யப்பட்டுள்ளன, எந்த வசதியை பயன்படுத்தி அதை செய்கிறார்கள் உட்பட பல தகவல்களை இதில் அறிந்து கொள்ளலாம்

Annotations

உங்கள் வீடியோக்களுக்கு  Annotations ஏதும் வைத்திருப்பின் அதை Click & Close செய்த எண்ணிக்கைகளை இதில் காணலாம்.

Cards.

உங்கள் வீடியோக்களுக்கு  Cards வைத்திருப்பின் அதை Click செய்த எண்ணிக்கையை இதில் காணலாம்.

இந்த வசதிகளை ஒட்டுமொத்த சேனலுக்கோ அல்லது ஒரு வீடியோவுக்கோ அல்லது ஒரு ப்ளேலிஸ்ட்க்கோ நம்மால் பார்க்க முடியும். 2 வீடியோக்களை கம்பேர் செய்தும் பார்க்கும் வசதி இதில் இருக்கிறது. இதை செய்ய வலது மேல் மூலையில் இருக்கும் Comparison… வசதியை பயன்படுத்த வேண்டும்.

தேவையெனில் Export Report மூலம் Excel file ஆக இவற்றை எக்ஸ்போர்ட் செய்து கொள்ளலாம். Export Reportக்கு அருகில் இருக்கும் செட்டிங்க்ஸ் பட்டன் மூலம் சில Default செட்டிங்க்ஸ்களை மாற்றலாம். உதாரணமாக எந்த நாணய மதிப்பில் Revenue தகவல்களை பார்க்க வேண்டும், எந்த கால அளவு Default ஆக இருக்க வேண்டும் என்பதையெல்லாம் மாற்றிக்கொள்ளலாம்.

Youtube குறித்த தகவல்கள் இந்த கட்டுரையுடன் முடிவடைகிறது. ஏதேனும் சந்தேகம் இருப்பின் prabuk@live.in என்ற மின்னஞ்சல் முகவரியில் என்னை தொடர்பு கொள்ளலாம். அடுத்த கட்டுரையில் பேஸ்புக் மூலம் எப்படி சம்பாதிப்பது என்று பார்க்கலாம்.

இல்லத்தில் இருந்தபடியே இன்டெர்நெட்டில் பணம் சம்பாதிப்பது எப்படி - 5

கடந்த கட்டுரையில் YouTube மூலம் எப்படி வீடியோ எடிட்டிங் செய்வது என்று பார்த்தோம். இப்போது YouTubeஇல் நாம் வீடியோ அப்லோட் செய்த பிறகு ஒரு குறிப்பிட்ட வீடியோவில் இருந்து இன்னொரு வீடியோவிற்கு எப்படி பார்வையாளர்களை கொண்டு வருவது என பார்ப்போம்.

உதாரணமாக உங்களின் ஒரு குறிப்பிட்ட வீடியோ நிறைய பேரால் பார்க்கப்பட்டுள்ளது என்றால் அதிலிருந்து மற்ற வீடியோக்களுக்கு பார்வையாளர்களை வர செய்யலாம்.


Description:


வீடியோவின் Description பகுதியில் குறிப்பிட்ட வீடியோ குறித்த தகவல்களை கொடுத்த பின்னர் அந்த வீடியோ தொடர்பான மற்ற வீடியோக்களின் டைட்டில் & லிங்க்கை தரலாம். உதாரணமாக நீங்கள் சமையல் குறித்த வீடியோக்களை அப்லோட் செய்தால் குறிப்பிட்ட வீடியோ சிக்கன் பற்றியது என்றால் Description பகுதியில் தொடர்புள்ள மற்ற சிக்கன் வீடியோக்களை குறிப்பிட்டு அவற்றையும் பார்க்க சொல்லலாம். இதில் 3 வீடியோக்கள் வரை கொடுக்கலாம். தேவையெனில் playlistஐயும் கொடுக்கலாம்.




Playlist

YouTube இல் Playlist என்பது ரொம்பவே முக்கியமான ஒரு விஷயம். இதன் மூலம் குறிப்பிட்ட Playlistஇல் ஒருவர் ஒரு வீடியோவை பார்க்க ஆரம்பித்தால் அதில் இருக்கும் அத்தனை வீடியோக்களையும் பார்க்கும் வாய்ப்பு அதிகம்.

சரி எப்படி ஒரு Playlistஐ உருவாக்குவது? - Video Manager பகுதியில் ஒவ்வொரு வீடியோவிற்கு அருகிலும் செலெக்ட் செய்வதற்கு ஒரு பாக்ஸ் இருக்கும். அதில் நீங்கள் உருவாக்க விரும்பும் Playlistக்கு தேவையான வீடியோக்களை செலெக்ட் செய்து கொள்ளுங்கள். இப்போது மேலே Actions, Add To என்ற இரு வசதிகளை காணலாம். அதில் Add to என்பதை க்ளிக் செய்து Create New Playlist என்பதை க்ளிக் செய்து ஒரு உருவாக்கி கொள்ளுங்கள். வேறு Playlistகளை உருவாக்கும் போதும் இதே முறையை பின்பற்றலாம்.

அடுத்த முறை நீங்கள் ஒரு வீடியோவை பப்ளிஷ் செய்யும் போதே Basic Info பகுதியில் Add to playlist வசதி மூலம் தொடர்புள்ள playlistல் உங்கள் வீடியோவை Add செய்து விடலாம்.  தேவையானால் இங்கேயே கூட ஒரு playlist ஒன்றை உருவாக்கிக் கொள்ளலாம்.

இப்போது இடது பக்கம் Video Manager என்பதற்கு கீழே Playlists என்று ஒரு வசதி இருக்கும் அதை க்ளிக் செய்யுங்கள்.

அதில் நீங்கள் உருவாக்கிய Playlist எல்லாமே இருக்கும். இங்கேயும் கூட ஒரு playlistஐ உருவாக்கிக் கொள்ளலாம். ஏற்கனவே இருக்கும் குறிப்பிட்ட playlistஇல் வலது பக்கம் இருக்கும் Edit என்பதை க்ளிக் செய்தால் அதை எடிட் செய்வதற்கான வசதிகள் வரும். Add a description என்பதில் playlist பற்றிய சிறிய விளக்கத்தை கொடுக்கலாம். Playlist பெயரை மாற்ற விரும்பினாலும் இங்கேயே செய்து கொள்ளலாம்.

அடுத்து playlist settings என்பதை க்ளிக் செய்து Additional Options என்பதற்கு கீழே உள்ள ‘Set as official series for this playlist’ என்பதை க்ளிக் செய்து கொள்ளுங்கள். Ordering என்பதில் உங்களுக்கு எந்த ஆர்டரில் வீடியோக்கள் வர வேண்டுமோ அப்படி அமைத்துக் கொள்ளுங்கள்.

பெரும்பாலும் ஒரு வீடியோவை ஒரு ப்ளேலிஸ்டில் மட்டுமே Add செய்யுங்கள். ஒன்றுக்கும் மேற்பட்ட Playlistல் சேர்க்க விரும்பினால் ‘Set as official series for this playlist’ என்பதை க்ளிக் செய்ய வேண்டாம்.

Annotations:

கணினியில் ஒரு வீடியோவை பார்க்கும் போது சில வீடியோக்களில் ‘click here for next/more videos’, ‘click here to subscribe’ அல்லது வேறு வீடியோக்களின் டைட்டில் போன்றவற்றை பார்த்திருப்பீர்கள். அதை க்ளிக் செய்தால் குறிப்பிட்ட வீடியோ பக்கத்திற்கும் நீங்கள் சென்று விடுவீர்கள். இது Annotations என்ற வசதி மூலம் உருவாக்கப்படுகிறது.

வீடியோ மேனேஜரில் டைட்டிலுக்கு கீழே இருக்கும் Edit க்கு அருகில் இருக்கும் அம்புக்குறியை க்ளிக் செய்தால் Annotations என்ற வசதி வரும். அதில் வலது பக்கம் Add Annotation என்பதை க்ளிக் செய்ய வேண்டும். 5வசதிகள் வரும். பெரும்பாலோனோர் பயன்படுத்தும் வசதி Note.எனவே அதையே இங்கே பார்க்கலாம்.

Add Annotation -> Note என்பதை க்ளிக் செய்து கொள்ளுங்கள். இப்போது Note என்பதற்கு கீழே நீங்கள் என்ன கொடுக்க விரும்புகிறீர்க்ளோ அதை டைப் செய்யுங்கள். அது குறிப்பிட்ட வீடியோவின் டைட்டிலாக இருக்கலாம் அல்லது Click Here for More Videos அல்லது Subscribe for more videos என இருக்கலாம்.

இப்போது Font Size, Color, Background Color போன்றவற்றை தேவையானால் மாற்றிக்கொள்ளலாம். Start & End என்பதில் Annotation எங்கே ஆரம்பிக்க வேண்டும், எங்கே முடிய வேண்டும் என்ற நேரத்தை குறிப்பிடலாம். அடுத்து இருக்கும் Link தான் நீங்கள் மேலே டைப் செய்துள்ளதை செயல்பட வைக்கும். இதில் குறிப்பிட்ட Video/Playlist முகவரி அல்லது சேனலின் முகவரியை கொடுக்கலாம். கொடுக்கும் முன்னர் வலது பக்கம் இருக்கும் Video என்பதை க்ளிக் செய்து என்ன கொடுக்கிறோம் என்பதை தேர்வு செய்து கொள்ள வேண்டும். URLஐ கொடுத்த பின்னர் தேவையானால் ‘Open link in a new window’ என்பதை க்ளிக் செய்து கொள்ளலாம்.




நீங்கள் டைப் செய்திருக்கும் விஷயங்களை இடதுபக்கம் இருக்கும் வீடியோவில் காணலாம். இதில் டெக்ஸ்ட் மிக சிறியதாக அல்லது இரண்டு வரிகளால் வந்தால் அதை மாற்ற டெக்ஸ்ட்டின் நான்கு பக்கமும் உள்ள சிறிய dotகளை Drag செய்வதன் மூலம் தேவையானபடி மாற்றிக்கொள்ளலாம். எல்லாவற்றையும் செய்து முடித்த பின்னர் Save என்பதை க்ளிக் செய்து Apply Changes என்பதை கொடுத்தால் Annotations வேலை செய்ய ஆரம்பித்து விடும்.

Annotationsஐ எப்போதும் வீடியோவின் இடது பக்கம் வைத்துக் கொள்வது சிறந்தது.

Cards:
இதுவும் Annotations போலவே தான். Annotations கணினியில் வீடியோவை பார்ப்பவர்களுக்கு மட்டுமே வரும், மொபைலில் வராது. Cards இரண்டிலுமே வரும். இது வீடியோவின் வலது பக்கம் மட்டுமே வரும். எனவே தான் Annotationsஐ இடது பக்கம் வைத்துக் கொள்வது சிறந்தது.

Cards வசதி Annotations க்கு அடுத்து இருக்கும். இதில் Add Card என்பதில் க்ளிக் செய்தால் Video or Playlist, Channel, Poll, Link என நான்கு வசதிகள் வரும்.


Video or Playlist - இதில் குறிப்பிட்ட வீடியோவை/ப்ளே லிஸ்ட்டை தேர்வு செய்வதன் மூலம் அது வீடியோவின் வலது பக்கம் படத்தில் உள்ளபடி Info ஐகானில் தோன்றும். அதை க்ளிக் செய்தால் குறிப்பிட்ட வீடியோ அல்லது ப்ளே லிஸ்ட்க்கு பார்வையாளர் சென்று விடுவார். நிறைய வீடியோ அல்லது ப்ளே லிஸ்ட் இருப்பின் தேவையான ஒன்றின் முகவரியை நேரடியாக கொடுக்கலாம்.

Channel - இந்த வசதி மூலம் உங்களின் இன்னொரு சேனல் அல்லது நண்பர்களின் சேனலை Promote செய்யலாம்.

Poll - பார்வையாளர்களை நீங்கள் உருவாக்கியுள்ள கேள்விக்கு Poll முறையில் பதில் கூற சொல்லலாம்.

Link  - YouTube ஆல் அங்கீகரிக்கப்பட்ட தளத்திற்கு இணைப்பை கொடுக்கலாம். (எல்லா தளங்களும் அல்ல)

இதில் முதல் 2 வசதிகளும் நிறைய பேருக்கு பயன்படும். குறிப்பாக முதலாவது அனைவருக்கும் பயன்படும். இன்று நிறைய பேர் தங்கள் போன் மூலம் YouTubeஐ பயன்படுத்த ஆரம்பித்து விட்டதால் இதை செய்வதும் கட்டாயம் ஆகும். ஒரு வீடியோவிற்கு 5 Cards வரை கொடுக்கலாம்.

Featured Content

இந்த வசதி மூலம் உங்களின் அனைத்து வீடியோக்களிலும் ஒரு குறிப்பிட்ட வீடியோவை Feature செய்யலாம். இதற்கு Video Manager >> Channel >> Featured Content என்ற பக்கதிற்கு செல்ல வேண்டும். இப்போது குறிப்பிட்ட வீடியோவை Feature செய்ய Feature Content என்பதை க்ளிக் செய்தால் இரண்டு வசதிகள் வரும். Most recent upload & choose a video or playlist.

Most recent upload என்பதை வைத்தால் ஒவ்வொரு முறை நீங்கள் வீடியோ அப்லோட் செய்யும் போது அது Featured content ஆகி விடும். குறிப்பிட்ட ஒரு வீடியோவை/ப்ளேலிஸ்ட்டை வைக்க இரண்டாவது வசதியை க்ளிக் செய்து தேவையான வீடியோ அல்லது ப்ளேலிஸ்ட்டை தேர்வு செய்யலாம். நிறைய வீடியோ அல்லது ப்ளே லிஸ்ட் இருப்பின் தேவையான ஒன்றின் முகவரியை நேரடியாக கொடுக்கலாம்.



வீடியோவை தேர்வு செய்து முடித்தவுடன் Save கொடுத்தால் Featured Content எப்படி தோன்ற வேண்டும் என்பதை மாற்றிக்கொள்ளலாம். Display time என்பதில் End of the video, custom start time என இரண்டு வசதிகள் இருக்கும். End of the video என கொடுத்தால் வீடியோக்கள் முடிவதற்கு சில நொடிகள் முன் இது தோன்றும். custom start timeஐ தெரிவு செய்தால் நீங்கள் விரும்பிய நேரத்தில் தோன்ற வைக்கலாம். இதை வைத்தால் Start Time ஐ உங்களுக்கே ஏற்றபடி மாற்றிக்கொள்ளுங்கள். Default ஆக 1:30 என நேரம் இருக்கும்.

Optimize Timing என்பது Featured Content ஐ Display timeஇல் end of the video என்று வைத்திருந்தால் YouTube தானாகவே ஒரு இடத்தில் தோன்ற வைக்கும். இது உங்களின் முந்தைய வீடியோக்களை கொண்டு கணக்கிடப்படும்.

Custom Message என்பதில் 2 அல்லது 3 வார்த்தைகளை கொடுக்கலாம். உதாரணமாக Watch or Don’t Miss or Also Watch என கொடுக்கலாம். மாற்றங்களை செய்த பின்னர் Update கொடுத்து விடவேண்டும்.

இந்த 5 வசதிகள் மூலம் உங்கள் வீடியோக்களை பார்க்கும் பார்வையாளர்களை உங்களின் மற்ற வீடியோவை பார்க்க வைக்கலாம். YouTube இல் ஆடியன்ஸை தக்க வைத்து கொள்வது ரொம்பவே முக்கியமானது. எனவே உங்களின் அனைத்து வீடியோக்களுக்கும் இவற்றை தவறாமல் செய்யுங்கள்.

இல்லத்தில் இருந்தபடியே இன்டெர்நெட்டில் பணம் சம்பாதிப்பது எப்படி - 4

கடந்த கட்டுரையில் Monetization, Title, Description, Tag போன்றவற்றை பற்றி பார்த்தோம். இப்போது எளிய முறையில் YouTubeஇல் வீடியோ எடிட்டிங் செய்வது எப்படி என்று பார்க்கலாம்.

Video Editing பற்றி அதிகம் தெரியாதவர்கள் YouTubeஇல் இருக்கும் Editor வசதியை பயன்படுத்தி எளிய வீடியோக்களை உருவாக்கலாம். [குறும்படம் அல்லது கொஞ்சம் பெரிய அளவிலான வீடியோக்களை எடிட் செய்ய இது சரியானது அல்ல] உங்கள் வீடியோவை அப்லோட் செய்த பின்னர், youtube.com/editor என்ற பக்கத்திற்கு செல்லுங்கள்.

Editor பக்கம் படத்தில் இருப்பது போல தோன்றும். இப்போது நீங்கள் எடிட் செய்ய வேண்டிய வீடியோவை Drag videos here என்ற பகுதிக்கு drag செய்து கொண்டு வரவும். இப்போது எடிட் செய்யும் வசதிகளை பார்க்கலாம்.

Quick Fixes: இந்த பகுதியில் இருக்கும் Auto-fix, Brightness and Contrast, Pan & Zoom, Stabilize video, Slow motion, Rotation வசதிகளின் மூலம் வீடியோ குவாலிட்டியை மாற்றலாம்.

Filters: இந்த வசதி மூலம் வீடியோற்கு ஒரு குறிப்பிட்ட Effect கொடுக்கலாம்.

Text: இதன் மூலம் வீடியோவில் வீடியோவில் உங்களுக்கு தேவையான டெக்ஸ்ட்டை சேர்த்துக் கொள்ளலாம்.

Audio: இதில் வீடியோவின் ஆடியோவில் உங்களுக்கு தேவையான மாற்றங்களை செய்து கொள்ளலாம்.

வீடியோவில் குறிப்பிட்ட பகுதியை நீக்க வேண்டும் என்றால் அதை செய்யும் வசதியும் YouTube Editorஇல் இருக்கிறது. ஆரம்பத்திலோ, இறுதியிலோ நீக்க வேண்டும் என்றால் உங்கள் வீடியோவின் ஆரம்பத்தில் அல்லது இறுதியில் Mouse Cursor ஐ கொண்டு சென்றால் வீடியோ Trim செய்யும் ஆப்ஷன் வரும்.

உங்கள் வீடியோவிற்கு வேறு ஆடியோ வேண்டும் என்றால் ஆடியோ குறியீடு இருக்கும் பக்கம் சென்று தேவையான ஆடியோவை Drag செய்து கொள்ளலாம். இப்போது உங்கள் வீடியோவில் ஏற்கனவே இருக்கும் ஆடியோவை தேவையில்லை என்றால் முழுமையாக குறைத்து விட வேண்டும்.

இவை தவிர இரண்டு வீடியோக்களை இணைக்கும் Transition வசதி, வீடியோவின் முன் Text சேர்க்கும் வசதி, கணினியில் இருக்கும் புகைப்படங்களை அப்லோட் செய்து அவற்றை ஒரு வீடியோவாக உருவாக்கும் வசதி போன்றவையும் இந்த எடிட்டரில் உள்ளன.

போட்டோக்களை அப்லோட் செய்து எடிட் செய்யும் போது தேவையான புகைப்படங்களை அப்லோட் செய்த உடன் ஒவ்வொன்றின் மீதும் + என்ற குறியீடு இருக்கும், அதை க்ளிக் செய்து அவற்றை எடிட் செய்யும் பகுதியில் சேர்க்கலாம். அதன் பின்னர் ஆடியோ வேண்டுமென்றால் சேர்த்துக் கொள்ளலாம்.

எல்லாவற்றையும் செய்து முடித்த பின்னர் வீடியோ சரியாக இருக்கிறாத என்று ப்ளே செய்து பார்த்து விட்டு Create Video என்பதை க்ளிக் செய்தால் உங்கள் வீடியோ ரெடி ஆகிவிடும்.

மேலே சொன்னது போல YouTube Editor என்பது மிகச்சாதாரணமான வேலைகளுக்கு மட்டுமே உதவும். குறும்படம் அல்லது ஒரு பெரிய வீடியோ என்றால் இதை பயன்படுத்த முடியாது. இதன் மூலம் எடிட் செய்து பணம் சம்பாதிக்க முடியுமா என்றால் நிச்சயமாக முடியும். Voice - over செய்பவர்கள், புகைப்படங்களை வீடியோ ஆல்பம் போல மாற்றி குறிப்பிட்ட முறையிலான வீடியோக்களை உருவாக்குபவர்களுக்கு இந்த முறை ஆரம்ப கட்டத்தில் உதவியாக இருக்கும்.

போன் அல்லது கேமராவில் ரெக்கார்ட் ஆன வீடியோக்களை ஆரம்பத்தில் அல்லது இறுதியில் மட்டும் கொஞ்சம் நீக்கி விட்டு அப்லோட் செய்ய விரும்புபவர்களுக்கும் இந்த முறை பயன்படும். இவ்வாறு செய்வதாய் இருப்பின் Video Edit பகுதியில் Enhancements என்று வசதி இருக்கும். அதிலேயே இதை செய்து கொள்ளலாம். இதற்கும் YouTube Editorகும் என்ன வித்தியாசம் என்றால் எடிட்டரில் நிறைய வீடியோக்களை ஒன்றாக சேர்க்க முடியும், புகைப்படங்களை அப்லோட் செய்து ஆல்பம் போல உருவாக்கலாம், ஆடியோ குவாலிட்டியை அதிகரிக்கலாம். Enhancements பகுதியில் அப்படி இல்லாமல் ஒரு வீடியோவில் மட்டும், குறிப்பாக வீடியோவில் இருக்கும் பிரச்சினைகளை மட்டும் சரி செய்யலாம். Editor இல் இருக்கும் பெரும்பாலான வசதிகள் இதிலும் இருக்கும். [பார்க்க படம்]



ஆரம்பம் மற்றும் இறுதில், அல்லது வீடியோவின் நடுவில் எங்கேனும் உள்ள தேவையற்ற பகுதியை நீக்க விரும்பினால் Trim என்பதை க்ளிக் செய்ய வேண்டும். ஆரம்பம் மற்றும் இறுதியில் சில நொடி அல்லது நிமிடங்களை நீக்க விரும்பினால் அதற்கேற்றார் ஆரம்பம் மற்றும் இறுதில் இருக்கும் நீல பட்டையை நகர்த்திக் கொள்ளலாம். வீடியோவின் நடுவில் இருக்கும் ஒரு குறிப்பிட்ட பகுதியை நீக்க வீடியோவில் நேரத்தை காட்டும் நீல நிற பட்டையை தேவையற்ற பகுதி ஆரம்பமாகும் இடத்திற்கு நகர்த்திவிட்டு Split என்பதை க்ளிக் செய்தால் அந்த பகுதி மட்டும் துண்டாகிவிடும். தேவையற்ற பகுதி முடியும் இடத்திலும் இதே போல செய்ய வேண்டும். இப்போது குறிப்பிட்ட பகுதியை செலக்ட் செய்தால் அதன் மேல் x குறியீடு வரும். அதை க்ளிக் செய்தால் தேவையில்லாத பகுதி நீக்கப்பட்டுவிடும். இப்போது Done கொடுத்து Save கொடுத்தால் வீடியோவில் நாம் செய்த மாற்றங்கள் சில நிமிடங்களில் அப்டேட் ஆகிவிடும். தேவையானால் Save as new video என்பதை பயன்படுத்தி புதிய வீடியோவாக Save செய்து கொள்ளலாம். வீடியோவை Enhancement செய்யும் எந்த சூழ்நிலையிலும் Revert to original என்பதை க்ளிக் செய்தால் வீடியோ ஒரிஜினலாக எப்படி இருந்தததோ அந்த நிலைக்கு வந்து விடும்.

இந்த கட்டுரையை படித்து முடித்த பின்னர் இது சாதாரண எடிட்டிங் முறை தானே என்று நிறைய பேருக்கு தோன்றலாம், ஆனால் YouTube இல் இப்படி ஒரு வசதி இருப்பது நிறைய பேருக்கு தெரியாது. உங்கள் வீடியோ அப்லோட் செய்த பின்னர் அதில் ஏதேனும் தவறு இருப்பதாய் தெரிந்தால் இதில் நான் கூறி இருக்கும் Enhancements வசதி மூலம் சிறு தவறுகளை சரி செய்ய முடியும். இதனால் வீடியோவை மறுபடி அப்லோட் செய்து, மறுபடி நிறைய இடங்களில் பகிர வேண்டிய அவசியம் இருக்காது.

சரி, நான் குறும்படம் அல்லது கொஞ்சம் பெரிய அளவிலான வீடியோக்களை எடிட் செய்ய வேண்டும் அதற்கு என்ன மென்பொருட்களை பயன்படுத்த வேண்டும் என்று கேட்பவர்களுக்கு பதில் கீழே.

கணினியில் ரெக்கார்ட் செய்து அதை எடிட் செய்ய விரும்புபவர்களுக்கு Camtasia என்ற மென்பொருள் உகந்தது. உதாரணமாக போட்டோஷாப்பை எப்படி பயன்படுத்துவது என்று டுட்டோரியல் வீடியோ ஒன்றை செய்ய வேண்டும் என்றால் இது சரியாக இருக்கும்.

குறும்படம் போன்றவற்றிற்கு Adobe Premiere Pro, Avid, Final Cut Pro(mac) போன்றவை தான் மிகச்சிறந்தவை. இவற்றை எடிட்டிங் அனுபவம் அதிகம் உள்ளவர்கள் நன்றாக அறிவார்கள். தேவையானால் இவைகளை கற்றுக் கொள்ளலாம் அல்லது ஏற்கனவே அறிந்தவர்களின் உதவியை பெற்றுக்கொள்ளலாம்.




இல்லத்தில் இருந்தபடியே இன்டெர்நெட்டில் பணம் சம்பாதிப்பது எப்படி - 3

கடந்த மாத கட்டுரையில் YouTubeஇல் ஒரு வீடியோயை எப்படி அப்லோட் செய்வது & பப்ளிஷ் என்பதை பார்த்தோம். இதில் அதன் தொடர்ச்சியாக அதன் மூலம் எப்படி பணம் சம்பாதிப்பது & YouTubeஇல் என்ன செய்யக்கூடாது என்று பார்ப்போம்.


நீங்கள் Video Manager-இல் இருக்கும் போது இடது பக்கம் Channel என்பதை க்ளிக் செய்யுங்கள். இப்போது Status and Features பகுதியில் Monetization என்பதை Enable செய்ய வேண்டும். அடுத்து Enable My Account என்பதை க்ளிக் செய்யுங்கள். Monetization Enable ஆன பிறகு வீடியோ மேனேஜர் பகுதிக்கு வந்து விடுவீர்கள். இப்போது மறுபடி Channel என்பதை க்ளிக் செய்யுங்கள்.

இப்போது Monetization என்பதற்கு அருகில் பச்சை நிற ஐகான் இருக்கும். அதற்கு அருகில் View monetization settings என்று இருக்கும். அதை கிளிக் செய்து “How Will I Be Paid” என்பதை கிளிக் செய்து associate an AdSense account என்பதை கிளிக் செய்ய வேண்டும். [இதற்கும் ஆட்சென்ஸ் மூலமே பணம் வரும்]. அடுத்த பக்கத்தில் Next என்பதை கிளிக் செய்து ஒரு புதிய ஆட்சென்ஸ் கணக்கை உருவாக்கிக் கொள்ளலாம் அல்லது ஏற்கனவே ஆட்சென்ஸ் கணக்கு இருப்பின் அதில் லாகின் செய்து கொள்ளலாம். புதிய கணக்கு எனில் சில மணி நேரங்களில் Approve ஆகிவிடும். ஏற்கனவே ஆட்சென்ஸ் கணக்கு இருப்பின் உடனே இணைக்கப்பட்டு விடும்.

உங்கள் ஆட்சென்ஸ் கணக்குடன் YouTube Account இணைக்கப்பட்டு விட்டால் Channel >> Monetization என்பதில் "The AdSense account you associated is now approved" என்று வர வேண்டும்.

Review or change AdSense association பகுதியில் உங்கள் Adsense ID, இணைக்கப்பட்ட தேதி, Status போன்ற தகவல்களை பார்க்கலாம்.

ஒரு புதிய ஆட்சென்ஸ் கணக்கு உருவாக்கிய பின்னர் அல்லது ஏற்கனவே உள்ளதை இணைத்த பின் Video Managerஇல் ஒரு வீடியோவில் Edit கொடுக்கும் போது Basic Info, Translationsக்கு அருகில் Monetization என்றொரு வசதி இருக்கும். அதில் Monetize with ads என்பதை கிளிக் செய்ய வேண்டும். இதில் என்னென்ன Ad Format வர வேண்டும் என்பதையும் தேர்வு செய்யலாம். இதில் எல்லாவற்றையும் தெரிவு செய்து கொள்வது நல்லது.

உங்கள் வீடியோ 10 நிமிடத்திற்கும் அதிகமாக இருந்தால் Mid-Roll Ads என்ற ஒரு வசதி அதிகமாக வரும். இதன் மூலம் வீடியோவின் நடுவில் நீங்கள் விரும்பும் இடத்தில் ஒரு விளம்பரம் வைத்துக் கொள்ளலாம். ஒவ்வொரு 5 அல்லது 7 நிமிடத்திற்கும் இந்த விளம்பரத்தை வைக்கலாம். 10 நிமிட வீடியோ என்றால் ஒரு Mid-Roll விளம்பரமும், 15 நிமிட வீடியோ என்றால் இரண்டும் வைக்கலாம். அதிகமாகும் போது அதற்கேற்றார் போல வைத்துக் கொள்ளலாம்.

இதை செய்து முடித்தவுடன் Save Changes என்பதை கிளிக் செய்து Save செய்து விட்டால் வேலை முடிந்தது.

ஆட்சென்ஸ் போலவே தான் இதுவும். உங்கள் வீடியோவை நிறைய பேர் பார்த்தால் தான் உங்களுக்கு அதிகம் பணம் வரும். வீடியோவை பேஸ்புக், ட்விட்டர் போன்றவற்றில் உங்கள் கணக்குகள் அல்லது பக்கங்களில் பகிரலாம். உங்கள் வீடியோ நன்றாக இருந்து நிறைய பேர் அதை பகிரும் பட்சத்தில் உங்களுக்கு பணம் கிடைக்கும்.

எவ்வளவு பணம் வந்திருக்கிறது என்பதை Analytics பகுதியில் பார்க்கலாம். ஒரு வீடியோ அப்லோட் செய்த இரண்டு நாட்களுக்கு பிறகு இது அப்டேட் ஆகும். [Analytics பற்றி விரிவாக பின்னர் பார்க்கலாம்]

இப்போது எப்படி Monetization செய்வது என்பதையும் பார்த்து விட்டோம். இனி சில முக்கியமான விஷயங்களை பாயிண்டுகளாக பார்ப்போம்.

1. வெறுமனே வீடியோவை மட்டும் அப்லொட் செய்து பப்ளிஷ் செய்து விட்டால் நிறைய பேர் பார்த்து விட மாட்டார்கள். வீடியோவை பப்ளிஷ் செய்யும் போது ரொம்ப முக்கியமாக செய்ய வேண்டிய விஷயம் Custom Thumbnail அப்லோட் செய்வது. இது ஒரு வீடியோவிற்கு Title, Description, Tags கொடுக்கும் இடத்தில் இருக்கும். இதன் மூலம் உங்கள் வீடியோவிற்கும் நீங்கள் விரும்பிய படத்தை Thumbnail ஆக வைக்கலாம். Thumbnail என்பது உங்கள் வீடியோ பேஸ்புக், கூகுள் ப்ளஸ் போன்ற சமூக வலைதளங்களிலோ அல்லது வேறு எதேனும் தளங்களிலோ பகிரப்படும் போது Title, Description உடன் வரும் ஒரு படம்.

ஏற்கனவே இருக்கும் Default Thumbnailகளை பயன்படுத்தாமல் நீங்களே ஒன்றை வைப்பதன் மூலம், பார்ப்பவர்களுக்கு வீடியோவின் முக்கியதுவத்தை உணர்த்தலாம். இதன் மூலம் YouTube தேடுதலில் உங்கள் வீடியோவை நிறைய பேர் க்ளிக் செய்யும் வாய்ப்புகளும் அதிகம்.

2. Custom Thumbnail போலவே தான் Title, Tag, Description போன்றவையும். ஒரு வீடியோவிற்கு இவை ரொம்பவே முக்கியமானது. இதில் Title & Description போன்றவை வீடியோவை பார்ப்பவர்களுக்கு தெரியும் விஷயங்கள். இவை தெளிவாகவும் மிகச்சரியாகவும் இருக்க வேண்டும்.

உதாரணமாக their trailer review vijay, samantha/ theritrailerreviewvijaysamantha/THERI TRAILER REVIEW VIJAY, SAMANTHA - இது மூன்றுமே சரியல்ல. வீடியோவை பார்க்கும் நபர்களையும் பகிரும் நபர்களையும் இவை எளிதில் ஈர்க்காது. “Their Trailer Review | Vijay, Samantha” என்பது மிகச் சரியானது.

அதே போல Description பகுதியில் வீடியோ குறித்து சில வரிகள் எழுதலாம். இதனால் டைட்டிலில் இல்லாத வார்த்தைகள் கொண்டு வீடியோவை தேடும் போதும் உங்கள் வீடியோ வர வாய்ப்புள்ளது.

Description பகுதியில் வீடியோ குறித்த தகவல்களை கொடுத்த பின்னர் உங்கள் சேனல் பற்றியோ அல்லது உங்களை பற்றியோ சில வரிகள் எழுதலாம். இதில் உங்கள் பேஸ்புக், ட்விட்டர் பக்க முகவரிகளை கொடுத்து வீடியோவை பார்ப்பவர்களை உங்களை லைக் அல்லது பின் தொடர சொல்லலாம். உங்கெளுக்கென்று வெப்சைட் இருக்கும் பட்சத்தில் அதை பற்றியும் குறிப்பிடலாம்.

Tags என்பது வீடியோவை தேடும் போது பார்ப்பவர்கள் என்னென்ன வார்த்தைகளை கொண்டு தேடுவார்கள் என்பதை கணித்து கொடுப்பது. உதாரணமாக மேலே சொன்ன Theri Trailer Review என்பதையே எடுத்துக் கொள்ளலாம். இதற்கு முக்கியமான Keywords - Theri, Trailer, Review, Vijay, Samantha, Amy Jackson, Atlee, G.V.Prakash Kumar, Nainika, Rating, Vimarsanam. இவை தவிர வீடியோவில் நீங்கள் குறிப்பிட்டிருக்கும் விஷயங்களையும் வார்த்தைகளாக கொடுக்கலாம். ஒரே வார்த்தையை மறுபடி மறுபடி பயன்படுத்தாமல் புதிய வார்த்தைகளை பயன்படுத்துவது சிறந்தது.

Title, Tag, Description, Thumbnail இந்த நான்கிலுமே மிக முக்கியமாக செய்ய கூடாத விஷயமும் இருக்கிறது. தேவையற்ற தவறான தகவல்களை தருவது. இதனால் வீடியோ பார்ப்பவரை நீங்கள் குழப்பத்திற்கு உள்ளாக்குகிறீர்கள். இதனால் வீடியோ ஆரம்பித்த சில நொடிகளில் வீடியோவை பார்க்க விரும்ப மாட்டார்கள். இதனால் உங்கள் சேனலுக்கு தான் பிரச்சினை.

உதாரணமாக Theri Trailer Review வீடியோவில் நீங்கள் //2016 New Movie, Free New Movies, Download Theri Movie, Watch Theri Movie// போன்றவற்றை எங்கேயுமே கொடுக்க கூடாது.

4. ஆரம்பத்தில் நீங்கள் வீடியோவை அப்லோட் செய்யும் போது 15 நிமிடத்திற்கும் குறைவான வீடியோக்களை மட்டுமே அப்லோட் செய்ய முடியும். அதற்கும் அதிகமான நேரமுள்ள வீடியோவை அப்லோட் செய்ய வேண்டுமெனில் Channel >> Longer Videos பகுதியில் உங்கள் போன் மூலம் Verify செய்ய வேண்டும்.

அடுத்த கட்டுரையில் எளிதான முறையில் ஒரு வீடியோவை எப்படி எடிட் செய்வது என்று பார்ப்போம்.

இல்லத்தில் இருந்தபடியே இன்டெர்நெட்டில் பணம் சம்பாதிப்பது எப்படி - 2

முதல் கட்டுரையில் ஆன்லைன் மூலம் பணம் சம்பாதிக்க நினைக்கும் பெரும்பாலனவர்கள் செய்யும் முதல் வழியை பார்த்தோம். இந்த கட்டுரையில் நாம் பார்க்கப் போவது இன்னொரு முக்கியமான வழி.



YouTube:

பெரும்பாலானோர்க்கு YouTube பற்றி தெரிந்திருக்கும். இணையத்தில் வீடியோ ஒன்றை பார்க்க விரும்பினாலே நம் முதல் சாய்ஸ் அது தான். இதனால் ஆன்லைன் மூலம் பணம் சம்பாதிக்க விரும்பும் நபர்களுக்கு YouTube ஒரு வரபிரசாதம் என்று கூறலாம்.

YouTubeம் ஒரு கூகுள் ப்ராடக்ட் தான். இதில் வீடியோக்களை நாம் பார்ப்பது போலவே, நாம் நினைக்கும் வீடியோக்களை அப்லோட் செய்யும் வசதியில் உள்ளது. இப்படி அப்லோட் செய்வதன் மூலம் நாம் பணம் சம்பாதிக்க முடியும். இணையத்தில் அதிகமாக வீடியோ பார்ப்பவர்கள் என்றால் Tamil Talkies, Smile Web Radio, Madras Meter போன்றவை பற்றி தெரிந்திருக்கும் அவர்கள் அப்லோட் செய்யும் வீடியோவை பார்க்கும் போது அதில் விளம்பரங்கள் வரும். இதன் மூலம் தான் அவர்களுக்கு பணம் கிடைக்கும். இதை நீங்களும் செய்யலாம்.

முதல் விஷயம். இதற்கு கொஞ்சம் தொழில்நுட்ப அறிவு அவசியம். கேமரா இருப்பின் அதன் மூலம் வீடியோவை ரெகார்ட் செய்து கொள்ளலாம். அதன் பின் அதை YouTubல் அப்லோட் செய்வதற்கு முன் வீடியோவில் தேவையில்லாதவற்றை எடிட் செய்து நீக்க வேண்டும். இதற்கு உங்களுக்கு வீடியோவை எடிட் செய்ய தெரிந்திருக்க வேண்டும் அல்லது தெரிந்தவரின் உதவி வேண்டும். கேமரா இல்லையென்றாலும் கவலை இல்லை வீடியோ ரெகார்ட் எதுவுமே செய்யாமல் கூட YouTubeஐ பயன்படுத்தலாம்.

போன் மூலம் ரெகார்ட் செய்யலாமா என்று கேட்டால் வேண்டாம் என்று தான் சொல்வேன். வீடியோவை பார்ப்பவர்களுக்கு போன் மூலம் ரெகார்ட் செய்தது என்றால் வீடியோ & ஆடியோ குவாலிட்டி இதில் சரியாக இருக்காது.

இப்போது YouTubeல் என்ன செய்ய வேண்டும் என்று சொல்கிறேன்.

உங்கள் ஜிமெயில் கணக்கை கொண்டே நீங்கள் ஒரு YouTube அக்கௌன்ட் உருவாக்கிக் கொள்ளலாம். உங்கள் YouTube கணக்கில் லாகின் செய்த பிறகு, வலது பக்கம் அப்லோட் என்றொரு வசதியை பார்க்கலாம். முதல் முறையாக அப்லோட் என்பதை கிளிக் செய்தால் உங்கள் சேனலை உருவாக்கிக் கொள்ளும்படி YouTube கூறும். பெயர் கொடுத்தவுடன் சேனல் உருவாகிவிடும். இப்போது வீடியோவை அப்லோட் செய்ய ஆரம்பிக்கலாம்.

இனி செய்ய வேண்டியது தான் முக்கியமான விஷயம். என்ன வகையான வீடியோக்களை அப்லோட் செய்வது என்பது ரொம்பவே முக்கியம். நீங்கள் உங்கள் சொந்த வீடியோக்களை அப்லோட் செய்தால் மட்டுமே பணம் சம்பாதிக்க முடியும். திரைப்பட பாடல்கள், காட்சிகள், தொலைக்காட்சி நிகழ்ச்சிகள், அடுத்தவர்களின் வீடியோ உட்பட உங்களுக்கு சொந்தமில்லாத எதையும் அப்லோட் செய்யக் கூடாது. இதனால் நிச்சயம் உங்கள் YouTube அக்கவுண்ட் நீக்கப்பட்டு விடலாம் அல்லது பணமே கிடைக்காது.

நீங்கள் சமையல் செய்வதில் வல்லவராக இருந்தால் அது பற்றிய வீடியோக்களை அப்லோட் செய்யலாம். திரைப்படங்களை விமர்சனம் செய்யலாம் அல்லது குறும்படம், கல்வி, தொழில்நுட்பம் சம்பந்தமான வீடியோ போன்றவற்றை அப்லோட் செய்யலாம். இது தவிர எண்ணற்ற வழிகள் உள்ளன.

கேமரா இல்லாத அல்லது வீடியோவில் வர விரும்பாத நபர்களுக்கு வேறு வழிகள் உள்ளன. உதாரணமாக சினிமா பற்றிய செய்திகளை உடனுக்குடன் தெரிந்து கொள்பவர் என்றால் அது பற்றிய செய்திகளை ஆடியோவாக ரெகார்ட் செய்து அதை வீடியோவாக உருவாக்கி கொள்ளலாம். இதே போல அரசியல், பொது அறிவு என பலவற்றையும் ரெகார்ட் செய்து வெறும் புகைப்படங்களை மட்டும் வைத்து ஒரு வீடியோ உருவாக்கி அப்லோட் செய்யலாம். ஆனால் இதில் முக்கியமான விஷயம் நீங்கள் பயன்படுத்தும் புகைப்படங்கள் Copyrighted ஆக இருக்ககூடாது.

அதே போல கணினியில் பயன்படுத்தும் மென்பொருட்கள், கேம்கள் பற்றி அதிகம் தெரிந்திருப்பின் அதை Screen-Record & Voice-over செய்து அப்லோட் செய்யலாம். இவையும் ரொம்பவே பிரபலமான வழிகள்.

உங்கள் வீடியோவை எடிட் செய்து அப்லோட் செய்த பின் வீடியோ மேனேஜர் பகுதியில்[Creator Studio>>Video Manager] வீடியோவின் கீழ் எடிட் என்பதை கிளிக் செய்தால் Basic Info, Translations போன்ற ஆப்ஷன்கள் இருக்கும். இதில் Basic Info பகுதியில் வீடியோவின் Title, Description, Tags போன்றவற்றை கொடுக்க வேண்டும். இதன் மூலம் தான் YouTubeஇல் ஒருவர் தேடும் போது உங்கள் வீடியோ அவருக்கு வர வாய்ப்புள்ளது. பெரும்பாலும் இதை ஆங்கிலத்தில் கொடுப்பது நல்லது. வீடியோவை Public, Private & Unlisted என்று என்று மூன்று நிலைகளில் வைத்துக் கொள்ளலாம்.

பப்ளிக் என்று இருந்தால் தான் அனைவரும் உங்கள் வீடியோவை பார்க்க முடியும், இணையத்தில் தேடும் போது வரும் அத்தோடு பணமும் கிடைக்கும். பிரைவேட் என்று இருந்தால் நீங்கள் மட்டும் தான் பார்க்க முடியும். Unlisted என்றால் Video URL இருப்பவர்கள் மட்டும் பார்க்கலாம்.

அடுத்து உள்ள Translations பகுதியில் Original Language என்பது ஆங்கிலம் ஆகவும் Translate into என்பதில் வேறு மொழிகளையும் தெரிவு செய்து குறிப்பிட்ட மொழியில் வீடியோ பற்றிய தகவல்களை தரலாம். இங்கே தமிழ் உட்பட பல மொழிகளை பயன்படுத்தலாம்.

இதையெல்லாம் செய்து முடித்தவுடன் Save Changes என்பதை கிளிக் செய்து Save செய்து விட்டால் உங்கள் வீடியோவை இனி மற்றவர்கள் பார்க்கலாம்.

இப்போது இந்த வீடியோக்கள் மூலம் எப்படி பணம் சம்பாதிப்பது என்ற கேள்வி உங்களுக்கு வந்திருக்கும். அதை அடுத்த கட்டுரையில் தனியாக பார்க்கலாம்.

இல்லத்தில் இருந்தபடியே இன்டெர்நெட்டில் பணம் சம்பாதிப்பது எப்படி? - 1

ஆன்லைன் மூலம் பணம் சாம்பாதிப்பது என்றாலே நிறைய பேருக்கு ஏமாற்று வழியாக இருக்குமோ என்ற எண்ணம் தோன்றும். ஏனென்றால் பெரும்பாலானவர்கள் ஆயிரம் ரூபாய் கொடுத்தால் வீட்டில் இருந்தே பல்லாயிரம் சம்பாதிக்கலாம், விளம்பரங்களை கிளிக் செய்தல், சர்வேக்களில் பங்கெடுத்தல் போன்ற சில வழிகளை மட்டுமே அறிந்திருப்பீர்கள். அத்தோடு இதை செய்த சிலர் எதிர்பார்த்த பணம் வந்திருக்காது அல்லது ஃபிராடு பேர்வழிகளிடம் ஏமாந்திருக்க கூடும். ஆனால் ஆன்லைன் மூலம் பணம் சம்பாதிப்பது என்பது இவை மட்டுமல்ல இவற்றை தாண்டி பல்வேறு முறைகள் உள்ளன. இந்த தொடரில் நான் எழுதப்போகும் அனைத்துமே நம்பகமானவை, நிறைய பேர் பணம் சம்பாதிக்கும் முறைகளும் கூட.

இந்த முறைகளின் மூலம் பணம் சம்பாதிக்க வெறுமனே கம்ப்யூட்டரும், இன்டர்நெட் இணைப்பும் இருந்தால் மட்டும் போதுமா என்றால் நிச்சயம் கிடையாது. நிறைய திறமையும் அவசியம். இங்கே கூறப்படுபவற்றில் எது உங்களுக்கு சரியாக வரும் என்று தோன்றுகிறதோ அதை மட்டும் செய்யுங்கள்.

ஏற்கனவே இணையம் பரிச்சயம் ஆனவர்களுக்கு நிச்சயம் கூகுள், பேஸ்புக், ட்விட்டர், யூ-ட்யூப் போன்றவற்றை பற்றி தெரிந்திருக்கும். இணையம் மூலம் சாம்பாதிக்க வேண்டும் என்று நினைப்பவர்களுக்கு இவைதான் பெரிய உதவி செய்யும். இதற்கு மேல் கட்டுரையை வழவழவென்று இழுக்காமல் முக்கியமான பகுதிக்குள் செல்லலாம்.

முதல் வழி: Adsense



இணையம் மூலம் பணம் சம்பாதிக்கும் நிறைய பேரால் நம்பகமான ஒரு வழி என்று கூறப்படும் ஒரே முறை ஆட்சென்ஸ் தான். இது கூகுளின் நிறுவனங்களில் ஒன்று. இதன் மூலம் பணம் சாம்பாதிக்க நீங்கள் இலக்கண தவறின்று ஆங்கிலத்தில் அல்லது ஆட்சென்ஸால் அங்கீகரிக்கப்பட்ட ஏதேனும் ஒரு மொழியில் கட்டுரைகள் எழுத தெரிந்தவராக இருக்க வேண்டும். ஆட்சென்ஸ் அக்கவுண்ட் கிடைக்க தெளிவான தவறற்ற மொழித்திறமை தேவையில்லை. ஓரளவுக்கு நன்றாக எழுத தெரிந்தாலே ஆட்சென்ஸ் அக்கவுண்ட் கிடைத்து விடும். ஆனால் நிறைய வாசகர்களை சென்றடைய இலக்கண தவறின்று குறிப்பிட்ட மொழியில் எழுத தெரிந்திருக்க வேண்டும். இந்திய மொழிகளில் ஹிந்தி மட்டுமே ஆட்சென்ஸால் அங்கீகரிப்பட்ட மொழியாகும்.

நீங்கள் என்ன வேண்டுமானாலும் எழுதலாம். உதாரணமாக நீங்கள் அடிக்கடி வெளியூர் பயணம் செய்பவராக இருந்தால் அது குறித்த அனுபவங்களை ஆங்கிலத்தில் பயணக்கட்டுரையாக எழுதலாம். கணினி, மொபைல் தொழில்பட்பம் உங்களுக்கு அதிகம் தெரியும் என்றால் அவற்றை குறித்து எழுதலாம். நீங்கள் நன்றாக சமைப்பவராக இருந்தால் குறிப்பிட்ட உணவு முறைகளை எப்படி செய்வது என்று எழுதலாம். பள்ளி, கல்லூரி தேர்வுகளில் ஆங்காங்கே தேவையான இடத்தில் படங்களை வரைவது போல இங்கேயும் சரியான இடத்தில் தேவையான படங்களை சேர்க்கலாம். மேலே சொன்ன மூன்று மட்டுமின்று நீங்கள் எதைப் பற்றி வேண்டுமானாலும் எழுதலாம். எழுதியவற்றை பேஸ்புக், ட்விட்டர் போன்றவற்றில் உங்கள் கணக்குகள் அல்லது பக்கங்களில் பகிரலாம்.

சரி எழுதுவது என்றால் எங்கே எழுதுவது என்ற கேள்வி உங்களுக்கு இந்நேரம் வந்திருக்கும். Blogger போன்ற வலைப்பதிவுகளின் மூலமோ அல்லது Wordpress, Joomla, Drupal போன்ற CMS (Content Management System) மூலமோ நீங்கள் உங்கள் இணையபக்கத்தை ஆரம்பிக்கலாம். முதலாவதில் பணம் செலவின்றி உங்களுக்கென ஒரு பக்கத்தை தொடங்கிக் கொள்ளலாம். அவை myname.blogspot.com என்று இருக்கும். facebook.com, twitter.com போன்று உங்களுக்கு பிடித்த பெயரில் வரவேண்டும் என்றால் அதற்கு மட்டும் நீங்கள் பணம் செலுத்தி பெயரை பெற்றுக் கொண்டு பயன்படுத்தலாம். Wordpress, Joomla, Drupal போன்றவற்றை பயன்படுத்த நீங்கள் ஆரம்பத்திலேயே பணம் செலுத்தி Web Hosting வாங்க வேண்டும். இவற்றில் Bloggerஐ விட பல வசதிகள் அதிகமாக இருக்கும். புதியவர்கள் முதலில் Blogger மூலம் எழுத ஆரம்பிப்பதே சிறந்தது. [இதற்கு மேல் இவை பற்றி எழுதினால் அதுவே பெரிய தொடராகி விடும். இது குறித்த கேள்விகள் இருப்பின் என் மின்னஞ்சல் முகவரிக்கு நீங்கள் எழுதலாம். prabuk@live.in ]

சரி பிளாக்கர் மூலம் எழுத தொடங்கியாயிற்று, அடுத்து என்ன செய்வது என்று நீங்கள் கேட்கலாம். இப்போது adsense.com என்ற தளத்திற்கு சென்று உங்கள் ஜிமெயில் கணக்கின் மூலம் புதிய ஆட்சென்ஸ் கணக்கை உருவாக்க வேண்டும். இதில் உங்கள் இணையதளம் குறித்த இடத்தில் உங்கள் இணைய முகவரியை கொடுத்து, அடுத்த பக்கத்தில் உங்கள் தகவல்களை கொடுத்து Adsense கணக்கிற்கு விண்ணப்பிக்க வேண்டும். விண்ணப்பித்த உடனே ஒரு ஆட்சென்ஸ் கணக்கு உங்களுக்கு உருவாகி விடும். அதில் லாகின் செய்து My Ads பகுதிக்கு சென்று Ad Unit ஒன்று உருவாக்கி அதில் வரும் AdSense codeஐ உங்கள் தளத்தில் சேர்க்க வேண்டும். நீங்கள் Code சேர்த்த இடம் உங்கள் இணையபக்கத்தில் வெற்றிடமாக இருக்கும். இதை செய்து முடித்த 48 மணி நேரத்தில் உங்கள் கணக்கு Approve ஆகி இருந்தால் உங்கள் தளத்தில் விளம்பரங்கள் வரும். இல்லையெனில் உங்கள் தளம் ஏன் Approve ஆகவில்லை என்பது மின்னஞ்சலில் வரும். Approve ஆகி விட்டால் உங்கள் தளத்தில் மூன்று இடங்களில் AdSense codeஐ வைத்துக் கொள்ளலாம்.

இப்போது நீங்கள் பேஸ்புக், ட்விட்டர் போன்றவற்றில் பகிர்ந்ததில் இருந்தோ அல்லது கூகுள் போன்ற தேடுதளங்கள் மூலமோ உங்கள் தளத்திற்கு வாசகர்கள் வருவார்கள். உங்கள் தளத்தில் நீங்கள் எழுதி இருக்கும் கட்டுரையை பொருத்து அல்லது படிக்கும் வாசகரின் விருப்பத்தை பொருத்து விளம்பரங்கள் உங்கள் தளத்தில் தோன்றும். வாசகர் எவரேனும் அதை கிளிக் செய்யும் பட்சத்தில் உங்களுக்கு வருமானம் வர ஆரம்பிக்கும். குறைந்த அளவே வாசகர்கள் என்றால் வருமானம் குறைவாக தான் இருக்கும். அதிக அளவிலான வாசகர்கள் உங்கள் தளத்திற்கு வந்தால் நீங்கள் எதிர்பார்ப்பதை விட அதிகமான பணம் கிடைக்கும். ஆனால் எந்த சூழ்நிலையிலும் நீங்களே உங்கள் தளத்தில் இருக்கும் விளம்பரங்கள் மீது கிளிக் செய்யக் கூடாது அதே போல படிக்கும் வாசகரையும் விளம்பரங்களை கிளிக் செய்ய சொல்லக்கூடாது. அவ்வாறு செய்தால் உங்கள் ஆட்சென்ஸ் கணக்கு நீக்கப்பட்டு விடும்.

ஒரே ஒரு தளத்திற்கு மட்டும் நீங்கள் ஆட்சென்ஸ்க்கு விண்ணப்பம் செய்தால் போதும்.

அதை பின்னர் பல்வேறு இணையதளங்களில் பயன்படுத்தலாம். ஆனால் குறிப்பிட்ட தளங்கள் ஆட்சென்ஸ் விதிகளுக்கு உட்பட்டு இருக்க வேண்டும்.

கொளத்தூர் மெயில் பத்திரிக்கைக்காக பிப்ரவரி 2016இல் எழுதிய கட்டுரை.