வணக்கம் உறவுகளே. என்னடா தலைப்பு புதுசா இருக்கேன்னு பாக்குறீங்களா. டொமைன் கூட மாறி இருக்கேன்னு தோணுதா? மாற்றதிற்கான நேரம் இது. ஆம் பலே பிரபு இப்போது முற்றிலும் புதிய தோற்றத்தில், புதிய டொமைன், புதிய நிர்வாகிகள் என எல்லா மாற்றத்துடன் “கற்போம்” என்ற புதிய பெயரில் இனி.
இப்போ தான் ஒரு பெரிய சுதந்திரம் கிடைத்த நினைப்பு. அவ்வப்போது மட்டும் இங்கே வந்து இனி எட்டிப் பார்க்கிறேன். மற்றபடி என்னோட கலைச்சேவையை நீங்க பலேபிரபு வின் புதிய தளத்தில் படித்து தான் ஆக வேண்டும். (வேற வழி ?)
அப்புறம் முக்கிய விஷயம் யார் இந்த தளத்தின் நிர்வாகிகள் என்று சொல்ல வேண்டும்.
முதலில் மிகத் திறமையான தொழில்நுட்ப பதிவர் “தமிழ்கிழம்” ஜெயசந்திரன். ஆங்கிலத்தில் எழுதி வந்த இவர் இப்போது தமிழிலும் கலக்குகிறார். கிரெடிட்/டெபிட் கார்ட் இல்லாமல் டொமைன் வாங்குவது எப்படி என்ற மிக அருமையான பதிவின் மூலம் ஏற்கனவே இங்கே உங்களுக்கு அறிமுகம்.
அடுத்து “நால் ரோடு” சூர்யபிரகாஷ்.வலையுலகிற்கு அறிமுகம் கடந்த மாதம். “கற்போம்” மூலம் தன் தொழில்நுட்ப திறமையையும் காட்ட உள்ளார்.
எங்களுடன் இணைய:
தொழில்நுட்ப பதிவுகள் எழுத விருப்பம் இருந்தால் போதும், வாருங்கள் எழுதலாம். வேலைவாய்ப்புச் செய்திகள், ஏதேனும் ஒன்றின் விளக்க முறை, ஆங்கில கட்டுரை தமிழில் என எதை வேண்டும் என்றாலும் சொல்லுங்கள். ஒரே ஒரு நிபந்தனை வேறெந்த தமிழ் தளத்திலும் உள்ளதை காப்பி, பேஸ்ட் செய்து அனுப்ப வேண்டாம். மற்ற விவரங்கள் கூடிய விரைவில்
பகிர வேண்டிய மற்றொரு முக்கிய விஷயம் தமிழில் மிக முக்கிய தொழில்நுட்ப பதிவர் ஒருவர் கெஸ்ட் போஸ்ட் எழுதுவதாய் சொல்லி உள்ளார். விரைவில் படிப்போம் அவரது பதிவை இங்கே.
கீழே வாழ்த்துபவர்கள்,படிப்பவர்கள்,ஓட்டு போடுபவர்கள் அப்படியே சைட்பாரில் உள்ள பேஸ்புக் பக்கம், கூகுள் பிளஸ் போன்றவற்றை லைக்/ஆட் செய்துவிட்டு செல்லுங்கள்.
எல்லாவற்றையும் தமிழில் மாற்றுவோம்.
[ஏற்கனவே பின் தொடரும் நண்பர்களுக்கு பதிவு அப்டேட் ஆகவில்லை என்றால் ஒரு முறை Unfollow செய்துவிட்டு மீண்டும் Follow செய்யவும் ]